ઝઘડિયા તાલુકાના માલજીપુરા ગામના ગ્રામજનો અને પ્રાથમિક શાળા પરિવારે સ્ટોન ક્વોરીનો વિરોધ કરી પ્રાંત અધિકારીને આવેદનપત્ર આપ્યું.

ઝઘડિયા તાલુકાના માલજીપુરા ગામના ગ્રામજનો અને પ્રાથમિક શાળા પરિવારે સ્ટોન ક્વોરીનો વિરોધ કરી પ્રાંત અધિકારીને આવેદનપત્ર આપ્યું.

ઝઘડિયાના માલજીપુરા ગામમાં સ્ટોન ક્વોરી સામે વિરોધ

ઝઘડિયા: ભરૂચ જિલ્લાના ઝઘડિયા તાલુકાના માલજીપુરા ગામમાં આવેલી પ્રાથમિક શાળાના વિદ્યાર્થીઓ અને ગ્રામજનોએ એક નવી સ્ટોન ક્વોરીની પરવાનગી સામે વિરોધ નોંધાવ્યો છે. ગામની પ્રાથમિક શાળાથી માત્ર 300 થી 400 મીટરના અંતરે આવેલી આ ક્વોરીથી ધ્વનિ અને ધૂળનું પ્રદૂષણ ફેલાવવાનો ભય વ્યક્ત કરી, ગ્રામજનોએ ઝઘડિયા પ્રાંત અધિકારીને આવેદનપત્ર પાઠવ્યું છે.

લોક સુનાવણી વિના પરવાનગી?

આવેદનપત્રમાં ગ્રામજનો અને શાળા સંચાલન સમિતિ (SMC) દ્વારા ગંભીર સવાલો ઉઠાવવામાં આવ્યા છે. તેમનું કહેવું છે કે, આ ક્વોરીની પરવાનગી કેવી રીતે મળી અને આટલા નજીક ક્વોરી સ્થાપવાની મંજૂરી આપતા પહેલા કેમ કોઈ લોક સુનાવણી (public hearing) રાખવામાં ન આવી?

આરોગ્ય અને પર્યાવરણને જોખમ

સ્થાનિક લોકોનું કહેવું છે કે, આ ક્વોરીના કારણે ફેલાતા ધૂળ અને ધ્વનિ પ્રદૂષણથી ગામમાં રહેતા 400 થી 500 લોકો અને શાળાના બાળકોના સ્વાસ્થ્ય પર ગંભીર અસર પડશે. આ પ્રદૂષણથી શ્વસનતંત્રને લગતા રોગો સહિત અનેક શારીરિક સમસ્યાઓનો સામનો કરવો પડી શકે છે.

આવેદનપત્રમાં તાત્કાલિક ધોરણે આ શ્યામ સ્ટોન ક્વોરીની લીઝ રદ કરવાની માંગ કરવામાં આવી છે. ગ્રામજનોએ ચેતવણી આપી છે કે, જો સાત દિવસમાં યોગ્ય કાર્યવાહી નહીં થાય તો તેઓ ક્વોરીના સ્થળ પર ચાલી રહેલા કામને અટકાવી દેશે. આ વિરોધથી સ્થાનિક પ્રશાસન પર દબાણ વધ્યું છે અને આ મામલે તપાસ થાય તેવી શક્યતા છે.